Aðeins tveir dagar eru í leik Keflavíkur og Grindavíkur í 4-liða úrslitum poweradebikarsins. Leikurinn fer fram í Toyotahöllinni kl. 15.00 sunnudaginn 27. janúar. Undirbúningur liðsins fyrir leikinn hefur staðið yfir frá því flautað var til leiksloka í sigurleiknum við Stjörnuna. Almar Guðbrandsson segir leikmenn Keflavíkurliðsins vel stemmda fyrir leilkinn og ætla sér sigur.
Keflavíkurstúlkur mæta Snæfelli í 4-liða úrslitum Poweradebikarsins nk. laugardag kl. 15.00 á Stykkishólmi. Keflavík hefur unnið alla leiki þessara liða í deildinni og ættu því að fara fullar sjálfstraust í leikinn, þó ljóst sé að um gífurlega erfiðan leik verður að ræða.
Í byrjun vikunnar leit Keflavik.is við á æfingu hjá Helenu og stelpunum í MB 3. og 4. bekk. Æfingin var í Heiðarskóla. Stelpurnar hafa tekið þátt í nokkrum mótum í vetur og æfingasókn hefur verið f...
Keflavík mætir grönnum sínum úr Grindavík í 4-liða úrslitum Poweradebikarsins í Toyotahöllinni kl. 15.00 nk. sunnudag. Darrel Lewis, leikmaður Keflavíkur, hefur verið virkilega sterkur á báðum endum vallarins fyrir Keflavík í vetur. Hann telur vörnina vera lykilinn að sigri í leiknum.
Keflavíkurstúlkur sigruðu bikar og íslandsmeistara Njarðvíkur í Dominosdeild kvenna í gær með 99 stigum gegn 83 í Toyotahöllinni. Eftir að hafa nánast ekki mætt til leiks í fyrri hálfleik tókst heimastúlkum að vinna upp 14 stiga forskot gestanna með undraverðum hraða og að lokum innbyrða 16 stiga sigur.
Körfuknattleiksdeild Keflavíkur óskar eftir áhugasömum einstaklingum, á öllum aldri, til að skrifa fréttir og taka viðtöl við leikmenn fyrir heimasíðu deildarinnar. Þá gæti umræddur einstaklingur haft öluvert sjálfstæði í vali á efni inn á heimasíðuna, umfram það sem myndi flokkast undir hefðbundið efni. Hvetjum við sérstaklega stúlkur til að ganga til liðs við okkur svo auka megi vægi frétta af Keflavíkurstúlkum, bæði þeim yngri og þeim eldri.
Aðalfundur Körfuknattleiksdeildar Keflavíkur verður haldinn miðvikudaginn 30. janúar nk. kl. 20.30 í félagsheimili Keflavíkur á 2. hæð Toyotahallarinnar við Sunnubraut. Á dagskrá fundarins verða hefðbundin aðalfundarstörf en sérstaklega er bent á að frestur til að skila inn framboði til formanns rennur út á miðnætti föstudaginn 25. janúar.
Keflavíkurstúlkur taka á móti grönnum sínum úr Njarðvík í Domino´s deildinni í kvöld. Leikurinn fer fram í Toyotahöllinni kl. 19.15.
