Pétursmótið í körfubolta, mót sem haldið er árlega af körfukattleiksdeild Keflavíkur til minningar um Osteopatann Pétur Pétursson, fór fram í Blue Höllinni í september sl. Keflavík sigraði á mótinu en auk Keflavíkur léku Njarðvík, Grindavík og Haukar í mótinu. Allur ágóði af miðasölu rann til góðgerðarmála og söfnuðust 400.000.- kr. í heildina sem fjölskylda Péturs heitins fékk að ráðstafa í þarft málefni málefni eða verkefni á svæðinu.
Opnað hefur verið fyrir skráningu í körfubolta hjá Keflavík tímabilið 2022-23 í Sportabler. Allir iðkendur hjá Keflavík þurfa að vera skráðir í Sportabler og er það forsenda þess að þeir megi æfa o...
Í sumar samdi körfuknattleiksdeild Keflavíkur við sinn hvorn leikmanninn fyrir karla og kvennalið félagsins.
Katla Rún Garðarsdóttir, fyrirliði Keflavíkurstúlkna, hefur framlengt samning sinn við körfuknattleiksdeild Keflavíkur til tveggja ára. Katla Rún, sem er uppalin Keflavíkurmær, hefur verið lykilleikmaður í liði Keflavíkur undanfarin ár en hún þykir með betri varnarmönnum deildarinnar. Katla Rún skoraði 6 stig og gaf 3 stoðsendingar að meðaltali í leik á sl tímabili.
Körfuknattleiksdeild Keflavíkur hefur gert samning við Gunnar Einarsson um styrktarþjálfun meistaraflokks karla í vetur. Þegar hafði verið gengið frá ráðningu Hafdísar Ýr Óskarsdóttur fyrir meistaraflokk kvenna.
Körfuknattleiksdeild Keflavíkur hefur samið við unglingalandsliðsmanninn Ólaf Inga Styrmisson um að leika með liðinu næstu tvö árin.
Mikil ánægja er innan herbúða Keflavíkur með að Ólafur Ingi hafi ákveðið að taka slaginn með Keflavík. Þrátt fyrir ungan aldur gera þjálfarar Keflvíkinga væntingar til þess að Ólafur Ingi muni strax gera atlögu að mínútum með liðinu þó auðvitað sé stökkið milli 1. deildar og úrvalsdeildar talsvert.
Keflvíkingurinn Sverrir Þór Sverrisson hefur snúið heim og mun verða Hjalta Vilhjálmssyni til aðstoðar með karlalið Keflavíkur í vetur. Sverri er óþarfi að kynna enda hefur hann gert garðinn frægan sem leikmaður og þjálfari og unnið allt sem hægt er að vinna í íslenskum körfubolta.
Miðherjinn Birna Valgerður Benónýsdóttir hefur snúið aftur heim til Íslands og mun taka slaginn með Keflavíkurstúlkum í Subway deild kvenna á næsta tímabili. Birna gerði tveggja ára samning við körfuknattleiksdeild Keflavíkur. Birna Valgerður hefur leikið í bandaríska háskólaboltanum frá haustinu 2019.
